దుబాయ్: వేడిని తట్టుకుంటూ అడుగులు వేయాలనుకునే దుబాయ్ నివాసితుల కోసం కొత్త ఫిట్‌నెస్ చొరవ ప్రారంభమైంది. షేక్ హమ్దాన్ జూలై 24న 'దుబాయ్ మాలథాన్'ను ప్రారంభించారు. ఇది మాల్‌లను క్రీడా ప్రాంతాలుగా మారుస్తుంది. దుబాయ్ సోషల్ అజెండా 33 లక్ష్యాలలో భాగంగా ఆగస్టు నెలలో దీనిని ప్రారంభించారు.  

ఇక్కడ నివాసితులు ప్రతిరోజూ ఉదయం 7 గంటల నుండి ఉదయం 10 గంటల వరకు మాల్‌ను సందర్శించవచ్చు.  దుబాయ్ మాల్, దుబాయ్ హిల్స్ మాల్, సిటీ సెంటర్ దేరా, సిటీ సెంటర్ మిర్దిఫ్, మాల్ ఆఫ్ ది ఎమిరేట్స్, దుబాయ్ మెరీనా మాల్, ది స్ప్రింగ్స్ సూక్ - ఏడు ప్రధాన వాణిజ్య కేంద్రాలలో నివాసితుల కోసం వాక్ , పరుగు కోసం ప్రత్యేకంగా ట్రాకులను ఏర్పాటు చేశారు.   

దుబాయ్ క్రౌన్ ప్రిన్స్, ఉప ప్రధాన మంత్రి, రక్షణ మంత్రి,  దుబాయ్ ఎగ్జిక్యూటివ్ కౌన్సిల్ ఛైర్మన్ షేక్ హమ్దాన్ బిన్ మొహమ్మద్ బిన్ రషీద్ అల్ మక్తూమ్, "ఆగస్టు నెల అంతా ఉదయం సమయంలో సులభంగా, సురక్షితంగా ఆరోగ్యకరమైన, చురుకైన జీవనశైలిని అవలంబించండి" అని కోరారు. ఇది యువత, సీనియర్ సిటిజన్లు, నివాసితులు, పిల్లలు,  షాపింగ్ మాల్ ఉద్యోగులతో సహా అన్ని వర్గాల ప్రజలు ఇందులో పాల్గొనవచ్చని తెలిపారు.    

దుబాయ్ మాలథాన్ లో పాల్గొనడం ఉచితం.  అధికారిక వెబ్‌సైట్: www.dubaimallathon.ae ద్వారా నమోదు చేసుకోవాలి.