యూఏఈః షార్జాలో భారతీయ మహిళ ఆత్మహత్య చేసుకుందని పోలీసులు నిర్ధారించారు. షార్జా అధికారులు జారీ చేసిన ఫోరెన్సిక్ నివేదిక ప్రకారం.. తన 30వ పుట్టినరోజు తర్వాత షార్జా అపార్ట్మెంట్లో మృతి చెందిన అతుల్య శేఖర్ మరణం ఉరి వేసుకుని ఆత్మహత్య చేసుకున్నట్లు నిర్ధారించారని సామాజిక కార్యకర్త అబ్దుల్లా కమంపాలం తెలిపారు.
కేరళకు చెందిన అతుల్య జూలై 19 ఉదయం రోల్లా ప్రాంతంలోని తన అపార్ట్మెంట్లో అనుమానస్పద రీతిలో మృతి చెందింది.  అతుల్య తల్లిదండ్రుల ఫిర్యాదు మేరకు కేరళలో ఆమె భర్తపై శారీరక వేధింపులు, వరకట్న వేధింపులు, హత్య వంటి అభియోగాలతో కేసు నమోదు చేశారు. దర్యాప్తు కొనసాగుతోందని  కమంపాలం చెప్పారు.
అతుల్య గత రెండు సంవత్సరాలుగా షార్జాలో నివసిస్తుంది. ఆమె తన సోదరితో కలిసి తన పుట్టినరోజును జరుపుకుంది. ప్రస్తుతం ఆమె మృతదేహాన్ని కేరళకు తరలించడానికి ఏర్పాట్లు జరుగుతున్నాయని కమంపాలం వెల్లడించారు.