ఖతార్‌ మరియు ఒమన్‌, 33 దేశాలకు చెందిన పౌరులకు వీసా ఆన్‌ అరైవల్‌ సౌకర్యాన్ని ఆఫర్‌ చేస్తోంది. ఖతార్‌, ఒమన్‌లలో పర్యటించేవారికి ఈ సౌకర్యం ఎంతో ఉపయోగపడనుంది. ఆన్‌ అరైవల్‌ వీసా 30 రోజులపాటు చెల్లుబాటు అవుతుంది. మరో 30 రోజులు దీన్ని పొడిగించుకునే అవకాశం ఉంది. టూరిజం రంగాన్ని ఈ దేశాల్లో పెంచుకునేందుకు ఈ నిర్ణయం తీసుకున్నారు. ఎయిర్‌పోర్టులు లేదా బోర్డర్‌ చెక్‌పోస్టుల వద్ద ఈ ఆన్‌ అరైవల్‌ వీసా సౌకర్యం అందుబాటులో ఉంటుంది. అమెరికా, బ్రిటన్‌, ఫ్రాన్స్‌, ఇటలీ, జర్మనీ, కెనడా, ఆస్ట్రేలియా, న్యూజిలాండ్‌, జపాన్‌, నెదర్లాండ్స్‌, బెల్జియమ్‌, లగ్జెంబర్గ్‌, స్విట్జర్లాండ్‌, ఆస్ట్రియా, స్వీడన్‌, నార్వే, డెన్మార్క్‌, పోర్చుగల్‌, ఐర్లాండ్‌, గ్రీస్‌ తదితర దేశాలకు ఈ సౌకర్యం కల్పిస్తున్నాయి ఒమన్‌, ఖతార్‌ దేశాలు. ఈ నిర్ణయంతో ఖతార్‌, ఒమన్‌లలో టూరిజం మరింత అభివృద్ధి చెందుతుందని ఈ రెండు దేశాలూ ఆశాభావం వ్యక్తం చేస్తున్నాయి.