దోహా: ఖతార్ లో ఎంతో ఆదరణ పొందిన లోకల్ డేట్స్ ఫెస్టివల్ ముగిసింది. సౌక్ వకీఫ్ మేనేజ్‌మెంట్ సహకారంతో మునిసిపాలిటీ మంత్రిత్వ శాఖ నిర్వహించిన ఈ 10వ లోకల్ డేట్స్ ఫెస్టివల్ జూలై 24 నుండి ఆగస్టు 7 వరకు జరిగింది. 90,600 మందికి పైగా సందర్శకులు డేట్స్ ఫెస్టివల్ ను సందర్శించారు.

ఖతార్ కు చెందిన సుమారు 114 మంది లోకల్ డేట్స్ వ్యాపారులు ఇందులో స్టాల్స్ ను ఏర్పాటు చేశారు. ఫెస్టివల్ సందర్భంగా రైతులకు వివిధ పోటీలను నిర్వహించి, బహుమతులను అందజేశారు.  డేట్స్ ఫెస్టివల్ సందర్భంగా 170,403 కిలోగ్రాముల డేట్స్ సేల్స్ జరిగినట్లు మంత్రిత్వ శాఖ ఒక ప్రకటనలో తెలిపింది.