కువైట్: కువైట్ వ్యాప్తంగా ఈ ఏడాది మొదటి ఆరు నెలల్లో ఆరు గవర్నరేట్‌లలో 1,304 అగ్ని ప్రమాదాల సంఘటనలు నమోదయ్యాయి. ఈమేరకు కువైట్ ఫైర్ ఫోర్స్ వెల్లడించింది. అల్-గరీబ్ హవల్లీ గవర్నరేట్‌లో అత్యధికంగా 215 అగ్ని ప్రమాదాలు నమోదు కాగా, ఆ తర్వాత ముబారక్ అల్-కబీర్‌లో 202, అహ్మదీలో 195, ఫర్వానియాలో 183, రాజధానిలో 171, జహ్రాలో 147 సంఘటనలు నమోదయ్యాయని పేర్కొన్నారు.

మొత్తం 1,648 కాల్స్ వచ్చాయని, వీటిలో 3,532 రెస్క్యూ ఆపరేషన్లు, 2,538 ఇతర కాల్స్ ఉన్నాయని తెలిపారు.  ముఖ్యంగా వేసవిలో విద్యుత్ పరికరాల కారణంగా అధిక ఫైర్ యాక్సిడెంట్స్ జరుగుతాయని, రెగ్యులర్ గా తనిఖీలు చేయాలని సూచించారు. దెబ్బతిన్న వైర్లను వెంటనే మార్చుకోవాలన్నారు.