మనమా: 2025/2026 విద్యా సంవత్సరానికి సంబంధించి ఈవినింగ్ సెకండరీ స్కూల్ ప్రోగ్రామ్స్ కోసం రిజిస్ట్రేషన్ ప్రక్రియ ప్రారంభమైందని బహ్రెయిన్ విద్యా మంత్రిత్వ శాఖ వెల్లడించింది. ఆగస్టు 17న రిజిస్ట్రేషన్ ప్రారంభమై.. 28వ తేదీ వరకు కొనసాగుతుందన్నారు.  దరఖాస్తులను మంత్రిత్వ శాఖ వెబ్‌సైట్ ద్వారా ఆన్‌లైన్‌లో సమర్పించాలని సూచించారు. అవసరమైన అన్ని డాక్యుమెంట్స్ ను అప్ లోడ్ చేయాలని, అందుబాటులో ఉన్న సీట్లను సామర్థ్యం ఆధారంగా భర్తీ చేయనున్నట్టు తెలిపింది.  దరఖాస్తుదారులు తమ పత్రాలను షేక్ ఇసా బిన్ అలీ సమాంతర సెకండరీ ఎడ్యుకేషన్ సెంటర్‌ వద్ద అధికారులకు సమర్పించాలన్నారు. కాగా, మహిళా దరఖాస్తుదారులు తమ అప్లికేషన్లను రిఫా వెస్ట్ సమాంతర సెకండరీ ఎడ్యుకేషన్ సెంటర్‌ మెయిల్ కు పంపాలని సూచించారు. మరిన్ని వివరాల కోసం 17896955, 17896927, 17896922, లేదా 17897274 నంబర్లలో సంప్రదించాలని కోరారు.