యూఏఈ: అబుదాబిలోని స్కూళ్లలో గ్రేడ్ తనిఖీలు చేపట్టారు. విద్యార్థుల సామర్థ్యాల్లో వ్యత్యాసాలు ఉన్నాయన్న ఆరోపణల నేపథ్యంలో విద్యాశాఖ అధికారులు ఈ తనిఖీలు చేపట్టారు. ఈ సందర్భంగా అవకతవకలకు పాల్పడ్డారన్న ఆరోపణలపై అబుదాబి విద్యా నియంత్రణ సంస్థ 12 ప్రైవేట్ పాఠశాలలపై చర్యలు తీసుకుంది.  ఇప్పుడు 9–11 తరగతులకు తనిఖీలను విస్తరించనుంది.

గత నెలలో అబుదాబి ఎడ్యుకేషన్ అండ్ నాలెడ్జ్ విభాగం ఎమిరేట్‌లోని కొన్ని ప్రైవేట్ పాఠశాలపై ఆంక్షలు విధించింది. 11 మరియు 12 తరగతులలో విద్యార్థులను చేర్చుకోకుండా తాత్కాలికంగా నిషేధించింది. అంతర్గత గ్రేడ్‌లు మరియు బాహ్య ప్రమాణాల మధ్య వ్యత్యాసాలను గుర్తించిన నేపథ్యంలో ఈ చర్యలు తీసుకున్నట్లు ADEK అండర్ సెక్రటరీ ముబారక్ హమద్ అల్ మెహిరి వెల్లడించారు.