అజ్నబీ
- July 19, 2016కిరీటాలు పడిపోతాయని
పలకరించక తిరిగే దాపరికాలు ఎదురవుతుంటాయి
పెట్టుడు మీసాలూడిపోతాయని
నవ్వనైనా నవ్వని పెద్దరికాలు గుచ్చుతుంటాయి
అనుకుంటావు కానీ ...
ఒక్కసారైనా ఉరమకపోయినా
ఒక్కసారైనా మెరవకపోయినా
కనీసం
మాటలతో మాటల్లో అల్లుకు పోతుండాలి
ముఖంతో ముఖాలను పెనవేసుకు పోతుండాలి
నడిచేటప్పుడు చెప్పుల చప్పుడు
ఎగిరేటప్పుడు రెక్కల చప్పుడు
చేసే తీరాలి
సఖ్యాన్ని
లౌక్యాన్ని
కప్పుకొని తిరగాలి
ముసుగులో మూడు ముచ్చట్లైనా చెప్పాలి
నలుగురిలో నాలుగు చప్పట్లైనా కొట్టాలి
పరకాయ ప్రవేశమే కాదు
పరవస్తు ప్రవేశమూ తెలియాలి
మరమనుషులు తిరుగుతుంటాయి
వినిపించేంత స్పష్టంగా
కనిపించేంత స్వచ్ఛంగా
నువ్వు నీలా బతికేందుకైనా
కనీసం
వానితో ఒక్కసారైనా నటించే తీరాలి
కొంచెమైనా తగ్గనిదే బరువు తూగడం కష్టమని చెప్పబడుతుంది
తనకుతాను తగ్గించుకున్నోడే హెచ్చింపబడతాడని లిఖించబడుతుంది
నీ డైరీలో
అనుకుంటావు కానీ ...
నీ నీడే అడ్డుగోడ కట్టుకొని
“ చలో ఎక్ బార్ ఫిర్సే అజ్నబీ బంజాయే హం దోనో “ అని
నీ ముందే పాడినప్పుడు
ఏదీ అనుకున్నంత ఈజీ కాదని తెలుస్తుంది
~ పారువెల్ల ~
తాజా వార్తలు
- ప్రత్యేక లేబర్ డే ట్రీట్.. 16 మంది కార్మికులకు అరుదైన అవకాశం
- రవాబీ హైపర్మార్కెట్లో మ్యాంగో ఫియస్టా ప్రారంభం
- అవినీతి లేదా రాజద్రోహానికి పాల్పడిన అధికారులకు 'హిస్ ఎక్సలెన్సీ' బిరుదు తొలగింపు
- వరల్డ్ ప్రెస్ ఫ్రీడమ్ ఇండెక్స్ 2024..18 స్థానాలు ఎగబాకిన ఒమన్
- దుబాయ్ ఆర్ట్ గ్యాలరీలో అమ్మకానికి 'పురాతన సముద్రపు డ్రాగన్' పుర్రె
- తల్లిదండ్రులకు స్కూల్ ఫీజు పెంపు నోటిఫికేషన్లు
- తిరుమలలో భక్తుల రద్దీ..
- ఫేక్ యాప్స్కు గూగుల్ చెక్
- ఖలిస్థానీ ఉగ్రవాది హత్య కేసు.. ముగ్గురు భారతీయులు అరెస్టు
- బంగారం స్వచ్ఛతను తనిఖీ చేసే ఐదు సులభమైన మార్గాలు