మిన్స్క్: బెలారస్ లో పర్యటిస్తున్న ఒమన్ సుల్తాన్ హైతం బిన్ తారిఖ్ పలు ఒప్పందాలను కుదర్చుకున్నారు. మిన్సిక్ లోని ఇండిపెండెన్స్ ప్యాలెస్‌లో రెండు ఒప్పందాలు, నాలుగు అవగాహన ఒప్పందాలు (MoUలు), ఒక సహకార ఒప్పంద పత్రాలపై బెలారస్ అధ్యక్షుడు అలెగ్జాండర్ లుకషెంకో ఆధ్వర్యంలో సంతకాలు జరిగాయి. సాధారణ పాస్‌పోర్ట్‌లు కలిగి ఉన్నవారికి వీసాల పరస్పర మినహాయింపు, రెండు దేశాల మధ్య అంతర్జాతీయ రోడ్డు రవాణాపై సహకారానికి సంబంధిన ఒప్పందాలు కుదుర్చుకున్నారు. 

న్యాయ, ఆరోగ్య, వైద్య పరిశోధన, వ్యవసాయం, పాడి, మత్స్య మరియు జల వనరుల రంగంలో సహకారానికి అవగాహన ఒప్పందాలు చేసుకున్నారు.  వీటితోపాటు ఒమన్, బెలారస్ మధ్య ద్వైపాక్షిక సహకారాన్ని అభివృద్ధి చేయడానికి సంబంధించి ముసాయిదా రోడ్‌మ్యాప్ పై సంతకాలు చేశారు.  బెలారస్ లో కాగితం గుజ్జు ఉత్పత్తి చేసే పరిశ్రమను ఒమన్ స్థాపించనుంది. ఈ ప్రాజెక్ట్ రెండు దేశాల ఆర్థిక అభివృద్ధికి దోహదపడుతుందని భావిస్తున్నారు.