కువైట్: ది లీడర్స్ కాన్‌క్లేవ్‌ను ఇండియన్ కమ్యూనిటీ స్కూల్ కువైట్ (ICSK ) నిర్వహించింది. కువైట్‌లోని 24 CBSE-అనుబంధ పాఠశాలల  ప్రతినిధులు ఇందులో పాల్గొన్నారు.  ఈ సమావేశానికి దుబాయ్‌లోని CBSE ప్రాంతీయ కార్యాలయం మరియు సెంటర్ ఆఫ్ ఎక్సలెన్స్ ప్రొఫెసర్ డాక్టర్ రామ్ శంకర్ ముఖ్య అతిథిగా పాల్గొన్నారు. కువైట్‌లోని భారత రాయబార కార్యాలయం రెండవ కార్యదర్శి బైజా నాథ్ ప్రసాద్ గౌరవ అతిథిగా హాజరయ్యారు.  

నవంబర్ 4–5వ తేదీల్లో దుబాయ్‌లోని గ్రాండ్ హయత్ హోటల్‌లో జరగనున్న రాబోయే CBSE ఇంటర్నేషనల్ కాన్ఫరెన్స్ గురించి  సమావేశంలో చర్చించారు. కువైట్‌లోని భారతీయ పాఠశాలల కృషిని ప్రశంసించారు. భారతీయ విద్యా వ్యవస్థ ప్రాముఖ్యతను వివరించారు.  దుబాయ్‌లోని సెంటర్ ఆఫ్ ఎక్సలెన్స్ ద్వారా విద్యావేత్తల వృత్తిపరమైన సామర్థ్యాలను పెంపొందించడానికి మరియు ఇన్-సర్వీస్ టీచర్స్ ట్రైనింగ్ ప్రోగ్రామ్‌లను ప్రారంభించినట్లు డాక్టర్ శంకర్ వెల్లడించారు.