కువైట్: డ్రగ్స్ స్మగ్లింగ్ పై కఠినమైన చర్యలు తీసుకుంటుంది కువైట్. దీంతో డ్రగ్స్ ట్రాన్స్ పోర్టు కార్యాకలాపాలు భారీగా తగ్గుముఖం పడుతున్నాయి. గత సంవత్సరంతో పోలిస్తే ఈ సంవత్సరం కువైట్‌లోకి మాదకద్రవ్యాల అక్రమ రవాణా 90 శాతం తగ్గిందని మొదటి ఉప ప్రధాన మంత్రి మరియు అంతర్గత మంత్రి షేక్ ఫహద్ అల్-యూసెఫ్ అల్-సబా ప్రకటించారు.

డ్రగ్స్ రహిత కువైట్ కోసం కృషి చేస్తున్నట్లు, డ్రగ్ వ్యాపారులపై యుద్ధం చేస్తున్నట్లు షేక్ ఫహద్ వెల్లడించారు. మరోవైపు సామాజిక భద్రత మరియు ప్రజా భద్రతను బలోపేతం చేయడానికి కువైట్ కొత్త, కఠినమైన డ్రగ్స్ నిరోధక చట్టాన్ని సిద్ధం చేస్తోందని ఆయన తెలిపారు.