కువైట్: కువైట్ లో అనధికార వైద్య సేవలు అందిస్తున్న ఒక మహిళా సెలూన్‌ ను అధికారులు సీజ్ చేశారు. ఒక మహిళా సెలూన్‌లో అనధికార వైద్య సేవలు అందిస్తున్నారన్న సమాచారంతో పబ్లిక్ అథారిటీ ఫర్ మ్యాన్‌పవర్ (PAM) ఆకస్మికంగా తనిఖీలు చేసింది.  ఈ సందర్భంగా ఇంజెక్షన్లు, కాస్మెటిక్ ప్రొసిజర్స్ కు సంబంధించిన పరికరాలు, స్కిన్ సంరక్షణ కోసం ఉపయోగించే వైద్య పరికరాలను అధికారులు స్వాధీనం చేసుకున్నారు.

అనుమతి లేకుండా, వైద్య పర్యవేక్షణ లేకుండా పారామెడికల్ సర్వీసులు అందిస్తున్నారని విచారణలో అధికారులు నిర్ధారించారు.  వెంటనే సెలూన్ ను సీజ్ చేశారు.  ఏదైనా సేవలను పొందే ముందు ఆయా కేంద్రాల అర్హతలు, లైసెన్స్‌ లను ధృవీకరించుకోవాలని అథారిటీ సూచించింది.