యూఏఈ: యూఏఈలో విజిట్ వీసా స్పాన్సర్స్ కు సంబంధించి కొత్త రూల్స్ అమల్లోకి వచ్చాయి. ఇకపై స్నేహితుడు లేదా బంధువును స్పాన్సర్ చేసేందుకు ఆదాయ పరిమితులను సడలించింది. నివాసితులు మినిమం సాలరీ అవసరాలను తీర్చినట్లయితే, మూడవ డిగ్రీ వరకు బంధువులను లేదా స్నేహితులను స్పాన్సర్ చేయవచ్చు. వీసా రకాలను బట్టి స్పాన్సర్ చేయడానికి Dh4,000, Dh8,000 లేదా Dh15,000 సాలరీ ఉండాలని ఫెడరల్ అథారిటీ ఫర్ ఐడెంటిటీ అండ్ సిటిజన్‌షిప్, కస్టమ్స్ అండ్ పోర్ట్ సెక్యూరిటీ (ICP) స్పష్టం చేసింది.   

ఫస్ట్-డిగ్రీ బంధువులైన  తండ్రి, తల్లి, జీవిత భాగస్వామి, కొడుకు, కుమార్తె లను స్పాన్సర్ చేయడానికి నెలకు కనీసం Dh4,000 సంపాదించాలి. ఇక సెకండ్-డిగ్రీ బంధువులు అయిన తోబుట్టువులు, తాతామామలు, మనవరాళ్ళు స్పాన్సర్ కోసం నెలకు కనీసం Dh8,000 సంపాదించాలి. థర్డ్-డిగ్రీ బంధువులైన మామ, అత్త, బంధువుల కోసం నెలకు కనీసం Dh8,000 సంపాదించాలి. బంధువులు కాని స్నేహితులను స్పాన్సర్ చేయాలంటే నెలకు కనీసం Dh15,000 సంపాదించాలని ఫెడరల్ అథారిటీ తెలియజేసింది.