కువైట్: “ఇండియన్ బిజినెస్ & ప్రొఫెషనల్ కౌన్సిల్ (IBPC) కువైట్ తన వార్షిక అవార్డుల  షెడ్యూల్ ను విడుదల చేసింది. నవంబర్ 12 న అవార్డుల వేడుకును నిర్వహిస్తున్నట్లు ప్రకటించింది.  

కువైట్‌లోని భారతీయ మరియు కువైట్ వ్యాపారాలు, నిపుణుల సహకారాన్ని గుర్తించడానికి ఇది ఒక వేదికగా నిలుస్తుందని IBPC ఛైర్మన్ కైజర్ షకీర్ తెలిపారు. పలు విభాగాలలో అత్యుత్తమ ప్రతిభావంతులకు అవార్డులను అందజేస్తామని వెల్లడించారు.  ఇది రెండు దేశాల మధ్య వాణిజ్య వారధిగా నిలుస్తుందన్నారు.

భారత రాయబారి పరమిత త్రిపాఠి ఈ కార్యక్రమాన్ని ప్రారంభిస్తారు.  ప్రపంచంలోని అతిపెద్ద ఐటీ కంపెనీలలో ఒకటైన హెచ్‌సిఎల్ టెక్ చైర్‌పర్సన్ రోష్ని నాడార్ ముఖ్య అతిథిగా పాల్గొంటున్నారని నిర్వాహకులు తెలిపారు.