రియాద్ః సౌదీయేతరులు రిజిస్టర్డ్ ఆస్తులను మాత్రమే కలిగి ఉండటానికి అనుమతించబడతారు. ఈ మేరకు రియల్ ఎస్టేట్ జనరల్ అథారిటీ (REGA) గైడ్ లైన్స్ ను విడుదల చేసింది. ఈ సంవత్సరం జూలైలో ఆమోదించిన కొత్త నిబంధనలు,  జనవరి 2026 నుండి అమల్లోకి రానున్నాయి. సౌదీయేతరులపై రియల్ ఎస్టేట్ లావాదేవీ పన్ను మరియు రుసుములతో సహా మొత్తం 10 శాతం రుసుములను వసూలు చేస్తారు. అలాగే, నిబంధనలను ఉల్లంఘించిన వారిపై  SR10 మిలియన్ల వరకు జరిమానా విధిస్తారు. వారి ఆస్తులను బహిరంగ వేలంలో విక్రయిస్తారు.
సౌదీయేతర వ్యక్తులు, నాన్-సౌదీ కంపెనీలు, విదేశీయుడికి యాజమాన్య వాటా ఉన్న సౌదీ కంపెనీలు, లాభాపేక్షలేని సంస్థలు మరియు దౌత్య కార్యకలాపాలలో ఉన్నవారు మాత్రమే సౌదీలో ఆస్తులను కలిగి ఉండేందుకు అనుమతిస్తారు. రియాద్, జెడ్డా, మక్కా మరియు మదీనా మరియు సౌదీ అరేబియాలోని అన్ని ప్రాంతాలలో సౌదీయేతరుల కోసం ప్రత్యేకంగా నివాస సముదాయాలను కేటాయిస్తారు. ముందుగా నిర్ణయించిన పరిమితుల మేరకు సౌదీయేతరులు ఆస్తులను కలిగి ఉండవచ్చని అథారిటీ తన తాజా ఉత్తర్వుల్లో స్పష్టం చేసింది.