రియాద్: 2024 చివరి నాటికి సౌదీ అరేబియాలో సైనిక వ్యయం లోకలైజేషన్ 24.89 శాతానికి పెరిగిందని జనరల్ అథారిటీ ఫర్ మిలిటరీ ఇండస్ట్రీస్ (GAMI) ప్రకటించింది. 2030 నాటికి 50 శాతానికి పైగా లోకలైజేషన్ సాధించే దిశగా ఇది నిరంతర పురోగతిని సూచిస్తుంది. రియాద్‌లో GAMI నిర్వహించిన మొదటి వార్షిక సైనిక ఇండస్ట్రీ రంగ సమావేశంలో ఈ మేరకు ప్రకటించింది. ఈ సందర్భంగా లోకలైజేషన్ ఎక్సలెన్స్ అవార్డులను అందజేశారు. 

సైనిక వ్యయం లోకలైజేషన్ రేటు సైనిక పరిశ్రమల రంగం అభివృద్ధిలో కీలకమైన మైలురాయిని సూచిస్తుందని తన ప్రసంగంలో GAMI గవర్నర్ ఇంజినీర్ అహ్మద్ అల్-ఓహాలి తెలియజేశారు.  ఈ కార్యక్రమంలో ఎక్సలెన్స్ ఇన్ మిలిటరీ ఇండస్ట్రీస్ లోకలైజేషన్ అవార్డు విజేతలను ప్రకటించారు.

రక్షణ రంగంలో ఒక ముఖ్యమైన పారిశ్రామిక శక్తిగా సౌదీ అరేబియా సానుకూల ఇమేజ్‌ను వార్షిక సమావేశం ప్రతిబింబించింది. ఆకర్షణీయమైన పెట్టుబడి గమ్యస్థానంగా దాని స్థానాన్ని బలోపేతం చేస్తుందని వక్తలు వెల్లడించారు.