కువైట్: కువైట్ లో భారత రాయబారిగా బాధ్యతలు స్వీకరించిన పరమిత త్రిపాఠి, కువైట్ విదేశాంగ మంత్రిత్వ శాఖలో ప్రోటోకాల్ వ్యవహారాల సహాయ విదేశాంగ మంత్రి అబ్దుల్‌మొహ్సేన్ జాబర్ అల్-జైద్‌ను కలిసి, తన నియామక ఉత్తర్వుల కాపీని అందజేశారు. భారత్ -కువైట్ మధ్య బలమైన ద్వైపాక్షిక సంబంధాన్ని వారు సమీక్షించారు.  రాజకీయ, ఆర్థిక, సాంస్కృతిక మరియు ప్రజలకు మధ్య సహకారాన్ని పెంపొందించడానికి నిబద్ధతతో పనిచేయాలని నిర్ణయించారు.  

కువైట్‌లో భారత మొదటి మహిళా రాయబారిగా మరియు గల్ఫ్ ప్రాంతంలో భారత్ కు ప్రాతినిధ్యం వహించిన రెండవ మహిళగా తనకు లభించిన గొప్ప గౌరవం, ఆనందాన్ని కూడా ఇచ్చిందని  రాయబారి వ్యక్తం చేశారు. రెండు దేశాల మధ్య స్నేహానికి శాశ్వత వారధిగా ఉండటానికి కువైట్‌లోని శక్తివంతమైన భారతీయ కమ్యూనిటీ అందిస్తున్న సహకారాన్ని ఆమె ప్రశంసించారు.