దుబాయ్ః నవంబర్ 15, 16తేదీల్లో జరిగే T100 ట్రయాథ్లాన్ ప్రపంచ ఛాంపియన్‌షిప్ నేపథ్యంలో వాహనదారుల కోసం దుబాయ్ రోడ్ అండ్ ట్రాన్స్‌పోర్ట్ అథారిటీ ఒక అడ్వైజరీని జారీ చేసింది. నవంబర్ 16న అల్ అథర్ స్ట్రీట్ - అల్ హదికా రోడ్ మరియు అల్ మైడాన్ రోడ్‌లలో ఉదయం 6:45 నుండి 8:30 వరకు, ఉదయం 11:30 నుండి మధ్యాహ్నం 12:30 వరకు మరియు మధ్యాహ్నం 1:30 నుండి 2:30 వరకు ట్రాఫిక్ ఆంక్షలు అమల్లో ఉంటాయని తెలిపింది.  
అలాగే, అల్ అథర్ స్ట్రీట్ - అల్ హదికా రోడ్ మరియు అల్ మైడాన్ రోడ్ - అల్ మనామా స్ట్రీట్ లో ఉదయం 6:45 నుండి మధ్యాహ్నం 12 గంటల వరకు వాహనాలను అనుంతించరని పేర్కొంది. వాహనదారులు ప్రత్యామ్నాయ మార్గాల్లో వెళ్లాలని సూచించింది. మరోవైపు, సాలిక్ కూడా టోల్ రేట్లను సవరించింది. ఇక వార్షిక ఈవెంట్ అయిన T100 ట్రయాథ్లాన్ లో భాగంగా అథ్లెట్లు 2 కి.మీ ఈత కొట్టడం, తరువాత ఎడారిలో 80 కి.మీ రైడ్, నగరంలో 18 కి.మీ పరుగుతో ఛాంపియన్‌షిప్ ముగుస్తుంది.