దుబాయ్: జుమేరా ప్రాంతంలోని తన నివాసంలో తన స్నేహితుడిని హత్య చేసిన కేసులో దోషిగా తేలిన అరబ్ వ్యక్తికి విధించిన జీవిత ఖైదును దుబాయ్ కోర్టు ఆఫ్ అప్పీల్ సమర్థించింది. శిక్ష అనుభవించిన తర్వాత దోషిని దేశం నుండి బహిష్కరించాలని కూడా కోర్టు ఆదేశించింది. ఈ కేసు 2022 అక్టోబర్ లో నమోదైంది. జుమేరా బీచ్ రెసిడెన్స్ (JBR) ప్రాంతంలోని ఒక అపార్ట్‌మెంట్‌లో ఈ హత్య జరిగింది. ఒక మహిళ పోలీసులకు సమాచారం అందించింది. సంఘటనా స్థలానికి చేరుకున్న అధికారులు ఆధారాలను సేకరించారు. అయితే, అనుమానితుడు చికిత్స పొందుతున్న ఆసుపత్రి నుండి అప్పటికే పారిపోయాడు. పోలీసులు అతడి తండ్రిని విచారించారు.

ఇటీవలి తన కొడుకు ప్రవర్తనలో మార్పులు వచ్చినట్టు తెలిపాడు. యూఏఈ నుండి పారిపోతున్న అతన్ని అరెస్టు చేసి దుబాయ్ పబ్లిక్ ప్రాసిక్యూషన్‌కు అప్పగించారు. 
దుబాయ్ క్రిమినల్ కోర్టు అతన్ని దోషిగా నిర్ధారించి జీవిత ఖైదు విధించింది. తరువాత ఈ తీర్పును అప్పీల్ కోర్టు సమర్థించింది.