రియాద్: సౌదీ అరేబియాలో గత వారం రోజుల్లో మొత్తం 1,383 మందిని అరెస్టు చేశారు. నవంబర్ 8 నుండి నవంబర్ 14 వరకు ట్రాన్స్‌పోర్ట్ జనరల్ అథారిటీ (TGA) అధికారులు తనిఖీలు చేపట్టారు.  ఈ సందర్భంగా అనుమతి లేకుండా పబ్లిక్ ట్రాన్స్ పోర్ట్ సేవలను నిర్వహించిన పలువురిని అదుపులోకి తీసుకున్నట్లు అధికారులు తెలిపారు.    

ట్రాన్స్ పోర్ట్ రంగంలో పోటీతత్వాన్ని పెంపొందించడానికి, రవాణా సేవల్లో నాణ్యత, ప్రయాణీకుల భద్రత కోసం నిరంతరం తనిఖీలు కొనసాగుతాయని పేర్కొన్నారు. చట్టాలను ఉల్లంఘించి దొరికిన వారికి 11వేల సౌదీరియాల్స్ వరకు ఫైన్ విధిస్తామని, అదే సమయంలో వెహికిల్ ను సీజ్ చేస్తామని హెచ్చరించారు.