మస్కట్: బార్కాలోని విలాయత్‌లో వినియోగదారుల రక్షణ చట్టాన్ని ఉల్లంఘించిన ఒక వాణిజ్య సంస్థకు ప్రైమరీ కోర్టు భారీ జరిమానా విధించింది. OMR 1,500 హోం అప్లైయిన్స్ తయారీ కోసం ఒక వాణిజ్య సంస్థతో ఓ వ్యక్తి ఒప్పందం కుదుర్చుకున్నాడు.  మూడు నెలల్లో పని పూర్తి చేయాలని OMR 700 అడ్వాన్స్ చెల్లించాడు.  అయితే, ఆ సంస్థ ఒప్పందాన్ని ఉల్లంఘించింది. ఒక్క వస్తువును కూడా సరఫరా చేయలేదు. చెల్లించిన అడ్వాన్సును కూడా తిరిగివ్వలేదు.  దాంతో బాధితుడు సదరు సంస్థపై ఫిర్యాదు దాఖలు చేశాడు.   

బార్కాలోని వినియోగదారుల రక్షణ పరిపాలన విభాగం కేసును నమోదు చేసి, తదుపరి విచారణకు ఈ ఫైల్‌ను పబ్లిక్ ప్రాసిక్యూషన్‌కు పింపించింది.కేసును సమీక్షించిన కోర్టు..  సంస్థ , దాని ఓనర్ కు చెరో OMR 1,000 జరిమానా, కస్టమర్ చెల్లించిన OMR 700 అడ్వాన్స్ మొత్తాన్ని చెల్లించాలని, అతనికి కలిగిన నష్టాలకు OMR 100 పరిహారంతో పాటు చెల్లించాలని తీర్పునిచ్చింది.