దోహా: అరాంకో సమర్పిస్తున్న FIFA ఇంటర్‌కాంటినెంటల్ కప్ ఖతార్ 2025 టిక్కెట్ల అమ్మకాలు ప్రారంభమయ్యాయి. సాధరణ టిక్కెట్ ధర QR 20 నుండి ప్రారంభం అవుతుందని పేర్కొన్నారు.

డిసెంబర్ 10, 13 మరియు 17 తేదీల్లో FIFA ఇంటర్‌కాంటినెంటల్ కప్ చివరి మూడు మ్యాచ్‌లను అహ్మద్ బిన్ అలీ స్టేడియంలో నిర్వహిస్తున్నారు.  అభిమానులు మూడు విభాగాలలో మూడు మ్యాచ్‌లకు టిక్కెట్లు కొనుగోలు చేయవచ్చు. ఒక వ్యక్తి గరిష్టంగా 6 టిక్కెట్లు కొనుగోలు చేయవచ్చు.

డిసెంబర్ 10,  రాత్రి 8 గంటలకు FIFA డెర్బీ ఆఫ్ ది అమెరికాస్ ఖతార్ 2025 కోసం మెక్సికో కు చెందిన క్రజ్ అజుల్,  CONMEBOL లిబర్టడోర్స్ 2025 విజేతతో తలపడనుంది.

డిసెంబర్ 13, రాత్రి 8 గంటలకు  FIFA ఛాలెంజర్ కప్ ఖతార్ 2025 కోసం  ఫిఫా డెర్బీ ఆఫ్ ది అమెరికాస్ ఖతార్ 2025 విజేత టీమ్, ఈజిప్ట్ కు చెందిన పిరమిడ్స్ FC తో తలపడనుంది. 

డిసెంబర్ 17,  రాత్రి 8 గంటలకు ఫిఫా ఇంటర్ కాంటినెంటల్ కప్ ఫైనల్ కోసం ఫ్రాన్స్ కు చెందిన పారిస్ సెయింట్-జర్మన్ టీమ్, FIFA ఛాలెంజర్ కప్ ఖతార్ 2025 విజేతతో తలపడనుంది.    

--రాజ్ కుమార్ వనంబత్తిన(మాగల్ఫ్ ప్రతినిధి, ఖతార్)