దోహా: AI టెక్నాలజీ మరియు బిగ్ డేటా వినియోగంలో ఖతార్ ముందు వరుసలో నిలిచింది. AI, బిగ్ డేటా మరియు ప్రైవేట్ 5G నెట్‌వర్క్‌ల ఎంటర్‌ప్రైజ్ వినియోగానికి సంబంధించి ఖతార్ ప్రపంచ దేశాలలో అత్యున్నత స్థానంలో ఉందని GSMA నివేదిక వెల్లడించింది. 'GCC, MENA ప్రాంతంలో డిజిటల్ ఇండస్ట్రీ స్పీడప్' అనే పేరిట నివేదికను విడుదల చేశారు.   

ప్రపంచవ్యాప్తంగా ఖతార్ మరియు యూఏఈ దేశాలు AI టెక్నాలజీని అత్యధికంగా ఉపయోగించుకుంటున్నాయి. ముఖ్యంగా ఆర్థిక సేవలు, ఇంధన రంగంలో వీటి వినియోగంలో ఖతార్ అత్యధిక స్కోరును సాధించింది. అయితే, 5G ఫిక్స్‌డ్ వైర్‌లెస్ యాక్సెస్ (FWA) GCCలో కొంచెం తక్కువగా ఉంది. ఎందుకంటే సర్వే చేసిన మూడు GCC దేశాలు విస్తృతమైన ఫైబర్ కవరేజీని కలిగి ఉన్నాయి.  గత రెండు సంవత్సరాలలో ప్రైవేట్ రంగ నెట్‌వర్క్‌ లు 5G నెట్‌వర్క్‌ లను వేగంగా విస్తరిస్తున్నాయి.  

MENAలోని మిగిలిన వాటి కంటే GCC మరింత అధునాతన సాంకేతిక పరిజ్ఞానాల వినియోగాన్ని నమోదు చేస్తుంది. ఏడు టెక్నాలజీ పరిజ్ఞానాలలో నాలుగు సైబర్ సెక్యూరిటీ, క్లౌడ్, జనరేటివ్ AI మరియు ఎడ్జ్ ల వినియోగంలో యూఏఈ  ముందంజలో ఉండగా, సౌదీ అరేబియా IoTలో ముందంజలో ఉంది. మొత్తం డిజిటల్ పరివర్తన స్కోర్‌లను పరిశీలిస్తే, సర్వే చేసిన 15 అభివృద్ధి చెందిన దేశాలలో మూడు GCC దేశాలు ఖతార్, సౌదీ అరేబియా మరియు యూఏఈ మొదటి ఏడు స్థానాల్లో నిలిచాయి.