మస్కట్: విమానాల తయారీ సంస్థ ఎయిర్‌బస్ ప్రపంచవ్యాప్తంగా ఉన్న అన్ని విమానయాన సంస్థలకు కొత్త సాంకేతిక మార్గదర్శకాలను షేర్ చేసింది. ఈ నేపథ్యంలో A320 ఫ్యామిలీ ఆఫ్ ఎయిర్‌క్రాఫ్ట్ కోసం ప్రపంచవ్యాప్తంగా ముందు జాగ్రత్త చర్యలను విమానయాన సంస్థలు పాటిస్తున్నాయి.

తాజా ఎయిర్ బస్ గైడ్ లైన్స్ నేపథ్యంలో సలాంఎయిర్ ఒక ప్రకటన విడుదల చేసింది. ప్రయాణికుల భద్రత తమ ప్రధాన ప్రాధాన్యతగా ఉంటుందన్నారు. తాము అవసరమైన చర్యలను అమలు చేస్తున్నామని,  త్వరలోనే ఆపరేషన్ కార్యకలాపాలు సాధారణ స్థితికి వస్తాయని ఆశిస్తున్నట్లు తెలిపింది.

అయితే, కొన్ని విమాన  సర్వీసులకు అంతరాయం కలగవచ్చని పేర్కొంది. ఒక వేళ సర్వీసులకు అంతరాయం కలిగితే, నేరుగా ప్రయాణికులకు అలెర్ట్ పంపుతామని తెలిపింది. తమ బృందాలు 24 గంటలు పనిచేస్తున్నాయని వెల్లడించింది.