యూఏఈ: ఈద్ అల్ ఇతిహాద్‌ను పురస్కరించుకొని నిర్వహించిన దుబాయ్ సిటీ వాక్‌లో వేలాది మంది పాల్గొన్నారు.కోకా-కోలా అరీనా జంక్షన్ నుండి సాయంత్రం 4 గంటలకు పరేడ్ ప్రారంభమైంది. దుబాయ్ పోలీస్ బ్యాండ్ మార్చ్‌ను ముందుండి నడిపించింది. వెనుక దుబాయ్ పోలీస్ అధికారులు గుర్రాలపై కదిలారు. 

ఈ సందర్భంగా యూఏఈ జెండాల రెపరెపలు అందరినీ ఆకట్టుకున్నాయి.
భారీ ఎత్తున కుటుంబాలు, పర్యాటకులు మరియు నివాసితులు తరలిరావడంతో వీధులన్ని కిటకిటలాడాయి.చాలామంది సాంప్రదాయ ఎమిరాటీ దుస్తులను ధరించగా, మరికొందరు యూఏఈ జెండా రంగుల్లో దుస్తులు ధరించి పరేడ్ లో పాల్గొన్నారు. పరేడ్ ఆధ్యంతం ఎమిరాటీ వారసత్వాన్ని తెలియజేశాయి.