దోహా, ఖతార్: ఖతార్ లో ఇంటర్నేషనల్ వాలంటీర్ డే సందర్భంగా ఖతార్ సోషల్ డెవలప్మెంట్, ఫ్యామిలీ మంత్రిత్వ శాఖ (MSDF) మంత్రి బుతైనా బింట్ అలీ అల్ జబర్ అల్ నుయిమి నేషనల్ వాలంటీర్ వర్క్ ల్యాబ్‌ను ప్రారంభించింది. ఖతార్‌లోని వివిధ ప్రభుత్వ, ప్రైవేట్ రంగాల ప్రతినిధులు ఈ కార్యక్రమంలో పాల్గొన్నారు.

జాతీయ భాగస్వామ్యాలను బలోపేతం చేయడం,  స్వచ్ఛంద సేవ రంగాన్ని అభివృద్ధి చేయడానికి, దేశంలో స్వచ్ఛంద సేవ భవిష్యత్తును రూపొందించే ప్రయత్నాలలో ఈ ల్యాబ్ ప్రారంభం భాగమని పేర్కొన్నారు. ఇది మంత్రిత్వశాఖ పరిధిలో పనిచేస్తుందని వెల్లడించారు.

స్వచ్ఛంద సేవా రంగాన్ని అభివృద్ధిలో అందరూ భాగస్వామ్యం కావాలని పిలుపునిచ్చారు.  ఈ విషయంలో మంత్రిత్వ శాఖ కీలక పాత్ర పోషిస్తుందని, ఇప్పటికే పలు అవగాహన కార్యక్రమాలను ఏర్పాటుచేసినట్లు ఆమె పేర్కొన్నారు. నేషనల్ వాలంటీర్ వర్క్ ల్యాబ్ ప్రభుత్వ, ప్రైవేట్ సంస్థల మధ్య అభివృద్ధి మరియు ఆవిష్కరణలకు అనుసంధాన కర్తగా ఉంటుందని ఆమె పేర్కొన్నారు.