మస్కట్: రాయల్ ఒపెరా హౌస్ మస్కట్ (ROHM) ఆధ్వర్యంలో డిసెంబర్ నెలకు సంబంధించి వివిధ ఈవెంట్ల పరంపర ప్రారంభమైంది. ప్రేక్షకులకు బ్యాలెట్, ఆర్కెస్ట్రా కాన్సర్ట్ మరియు ఫెస్టివ్ కార్యక్రమాలను అందిస్తున్నాయి. వీటిలో కొప్పెలియా, సింఫనీ ఆఫ్ లైట్స్, రాయల్ బ్యాంకాక్ సింఫనీ ఆర్కెస్ట్రా కాన్సర్ట్, ది మ్యాజిక్ ఆఫ్ ది వింగ్స్ మరియు లెట్స్ రీడ్ వంటి కార్యక్రమాలు ఆహ్వానం పలుకుతున్నాయి. 

ఈ గురువారం "ఒమానీ నైట్" లో సయ్యద్ ఖలీద్ బిన్ హమద్ అల్ బుసైది మ్యూజిక్ ను ఆస్వాదించవచ్చు. ప్రముఖ ఒమానీ కళాకారులతో కలిసి రాయల్ ఒమన్ సింఫనీ ఆర్కెస్ట్రా ప్రదర్శన హైలెట్ గా నిలువనుంది.  పిల్లల కోసం "ది మ్యాజిక్ ఆఫ్ ది వింగ్స్" ప్రదర్శన వచ్చే గురువారం నిర్వహిస్తున్నారు.

ఇక సింఫనీ ఆఫ్ లైట్స్ డిసెంబర్ 18 మరియు 19 తేదీలలో రాయల్ ఒపెరా హౌస్ మస్కట్ వేదికపై ఆకట్టుకోనుంది. అన్ని వయసుల వారికి అనువైన ఆకర్షణీయమైన వేడుకగా ఇది ఉంటుందని నిర్వాహకులు తెలిపారు.  డిసెంబర్ 31న రాయల్ బ్యాంకాక్ సింఫనీ ఆర్కెస్ట్రా ప్రదర్శించే మ్యూజిక్ కాన్సర్టుతో డిసెంబర్ నెలకు సంబంధించి ఫ్యామిలీ ఈవెంట్ సీజన్ ముగుస్తుందని రాయల్ ఒపెరా హౌస్ మస్కట్ వెల్లడించింది.