యూఏఈ: దుబాయ్ మునిసిపాలిటీ జుమేరా బీచ్1 అభివృద్ధి పనులను దుబాయ్ క్రౌన్ ప్రిన్స్ షేక్ హమ్దాన్ బిన్ మొహమ్మద్ బిన్ రషీద్ అల్ మక్తూమ్ సమీక్షించారు. నివాసితులు మరియు సందర్శకుల అనుభవాన్ని పెంచడానికి,  బీచ్ టూరిజంకు ప్రముఖ ప్రపంచ గమ్యస్థానంగా ఎమిరేట్ స్థానాన్ని బలోపేతం చేయడానికి దుబాయ్ విస్తృత ప్రణాళికలలో ఈ ప్రాజెక్ట్ భాగమని ప్రకటించారు.  ఈ ప్రాజెక్ట్ లో భాగంగా బీచ్ ప్రాంతాన్ని 50 శాతం విస్తరించారు. ఇందులో 95 శాతం పనులు పూర్తయ్యాయి. దుబాయ్ తన బీచ్‌లను ప్రపంచంలోనే అత్యుత్తమంగా మరియు అందంగా తీర్చిదిద్దుతున్నట్లు తన X పోస్ట్‌లో తెలిపారు. వాకింగ్, సైక్లింగ్ మరియు జాగింగ్ ట్రాక్‌లతో పాటు సమాజంలోని అన్ని వర్గాలకు ఇంటిగ్రేటెడ్ ఎంటర్ టైన్ మెంట్ మరియు క్రీడా సౌకర్యాలను ఏర్పాటు చేస్తున్నట్టు వెల్లడించారు. జుమేరా బీచ్ 1 ఫిబ్రవరిలో సందర్శకులను స్వాగతం పలుకుతుందని తెలిపారు.