కువైట్‌: పారిస్ సెయింట్-జర్మైన్ (PSG) మరియు ఒలింపిక్ డి మార్సెయిల్ మధ్య జరిగిన ఫ్రెంచ్ సూపర్ కప్ మ్యాచ్‌కు కువైట్ లోని జాబర్ అల్-అహ్మద్ అంతర్జాతీయ స్టేడియం ఆతిథ్యం ఇచ్చింది. ఈ ప్రతిష్టాత్మక ఈవెంట్‌కు కువైట్ ఆతిథ్యం ఇవ్వడం ఇదే మొదటిసారి. గత సంవత్సరం ఖతార్‌లో జరిగిన మ్యాచ్ తర్వాత, ట్రోఫీ డెస్ ఛాంపియన్స్ ఫ్రాన్స్ వెలుపల నిర్వహించడం ఇది వరుసగా రెండవసారి. ఈ హై-ప్రొఫైల్ పోరును చూసేందుకు వేలాది మంది ఫుట్‌బాల్ అభిమానులు స్టేడియానికి పోటెత్తారు.  ప్రిన్స్ షేక్ సబా ఖలీద్ అల్-హమద్ అల్-సబా మరియు ప్రధాన మంత్రి షేక్ అహ్మద్ అబ్దుల్లా అల్-అహ్మద్ అల్-సబా ఈ మ్యాచ్‌కు హాజరయ్యారు.   

ఇక మైదానంలో ఉత్కంఠభరితమైన పోరులో PSG మార్సెయిల్ పై విజయం సాధించింది.  నిర్ణీత సమయంలో మ్యాచ్ 2-2తో సమం అయిన తర్వాత చివరికి పెనాల్టీలలో 4-1 తేడాతో గెలిచింది. పారిస్ జట్టు మొదటి సగంలో ఎక్కువ భాగం ఆధిపత్యం చెలాయించింది.  13వ నిమిషంలో ఉస్మానే డెంబెలే గోల్ కీపర్‌పైగా గోల్ చేసి తొలి ఆధిక్యాన్ని సాధించింది. రెండవ సగంలో మార్సెయిల్ తమ దూకుడును పెంచి, 75వ నిమిషంలో మేసన్ గ్రీన్‌వుడ్ పెనాల్టీని గోల్‌గా మలచడంతో స్కోరును సమం అయింది. 87వ నిమిషంలో మార్సెయిల్ ఆధిక్యంలోకి వెళ్లింది.  అదనపు సమయంలో PSG గొన్సాలో రామోస్ చివరి నిమిషంలో గోల్ చేసి స్కోరును సమం చేయడంతో మ్యాచ్ పెనాల్టీ షూటౌట్‌కు వెళ్లింది.

ఇక షూటౌట్‌లో PSG తరపున రామోస్, విటిన్హా మరియు నూనో మెండిస్ అందరూ తమ స్పాట్-కిక్‌లను గోల్స్‌గా మలచగా, PSG గోల్ కీపర్ కీలకమైన సేవ్స్ చేయడంతో ట్రోఫీని కైవసం చేసుకున్నది.  టోర్నమెంట్ విజయవంతంగా ముగియడంపై సమాచార మరియు సాంస్కృతిక మంత్రి మరియు యువజన వ్యవహారాల సహాయ మంత్రి అబ్దుల్‌రెహ్మాన్ అల్-ముతైరి హర్షం వ్యక్తం చేశారు. సహకారం అందించిన ప్రతిఒక్కరికి ధన్యవాదాలు తెలియజేశారు.