మస్కట్: అల్-రుస్తాక్‌లోని విలాయత్‌లో పోలీస్ ఏవియేషన్ టీమ్ ప్రత్యేక ఆపరేషన్ ను నిర్వహించింది. ఎయిర్ లిఫ్ట్ ద్వారా ఒక పౌరురాలిని అత్యవసర మెడికేర్ కోసం జబల్ అల్-నక్'అహ్ నుండి అల్-రుస్తాక్ రెఫరల్ ఆసుపత్రికి తరలించింది. 

అదే సమయంలో ట్రాఫిక్ ఉల్లంఘనలను అరికట్టడానికి  రాయల్ ఒమన్ పోలీసులు పలు ప్రాంతాల్లో ప్రత్యేక తనిఖీలు నిర్వహించారు. ఈ సందర్భంగా సౌత్ అల్ బటినా గవర్నరేట్ పోలీస్ కమాండ్ అనేక మోటార్ సైకిళ్ళు,  వాహనాలను స్వాధీనం చేసుకుంది. నిర్లక్ష్యంగా డ్రైవింగ్ చేయడం, డ్రిఫ్టింగ్ చేయడం మరియు పబ్లిక్ ప్రశాంతతకు భంగం కలిగించినందుకు ఎనిమిది మోటార్ సైకిళ్ళు,  రెండు వాహనాలను సీజ్ చేసినట్టు తెలిపింది. ట్రాఫిక్ చట్టాలను ఉల్లంఘించిన వారిపై చట్టపరమైన చర్యలు తీసుకుంటున్నట్లు పేర్కొన్నారు.