కువైట్: కువైట్ న్యాయ మంత్రిత్వ శాఖలోని జనరల్ డిపార్ట్‌మెంట్ ఆఫ్ ఎగ్జిక్యూషన్ బహిరంగ వేలాన్ని నిర్వహించనుంది. ఈ వేలంల ద్వారా 208 వాహనాలను విక్రయించనున్నట్లు ప్రకటించింది. ఈ అమ్మకపు ప్రక్రియలు అల్-అర్దియా పారిశ్రామిక ప్రాంతంలో ఉన్న అమ్మకాల కార్యాలయంలో నిర్వహించబడతాయని తెలిపింది. వేలంపాట బుధవారం వరకు కొనసాగుతుందని పేర్కొంది. వేలానికి పెట్టిన వాహనాలలో అమెరికన్, జపనీస్, యూరోపియన్, చైనీస్ మరియు కొరియన్ తయారీ అనేక రకాల మోడళ్లు ఉన్నాయి.