కువైట్: కువైట్ నివాసితులు ఇప్పుడు ఏ సేవా కేంద్రాన్ని సందర్శించాల్సిన అవసరం లేకుండానే వారి పాస్‌పోర్ట్ సమాచారాన్ని ఆన్‌లైన్‌లో అప్‌డేట్ చేసుకోవచ్చని అంతర్గత మంత్రిత్వ శాఖ తెలిపింది. ఈ మేరకు  ప్రభుత్వ అప్లికేషన్ "సహల్" ద్వారా కొత్త డిజిటల్ సర్వీస్ ను ప్రవేశపెట్టింది. 

జనరల్ డిపార్ట్‌మెంట్ ఆఫ్ రెసిడెన్స్ అఫైర్స్ సహకారంతో జనరల్ డిపార్ట్‌మెంట్ ఆఫ్ ఇన్ఫర్మేషన్ సిస్టమ్స్ ఈ సర్వీసును ప్రారంభించిందని మంత్రిత్వ శాఖ పేర్కొంది. ఈ సర్వీస్ ద్వారా నివాసితులు ఎప్పుడైనా సహల్ యాప్‌ను ఉపయోగించి వారి పాస్‌పోర్ట్ వివరాలను ఎలక్ట్రానిక్‌గా అప్డేట్ చేసుకోవచ్చని తెలిపింది.