మనామా: నకిలీ గోల్డ్ బార్స్ విక్రయించి పలు బంగారు దుకాణాలను మోసం చేయడానికి ప్రయత్నించిన 39 ఏళ్ల ఆసియా దేశస్థుడిని క్యాపిటల్ గవర్నరేట్ పోలీస్ డైరెక్టరేట్ అరెస్ట్ చేసింది. ఈ మేరకు అంతర్గత వ్యవహారాల మంత్రిత్వ శాఖ ఒక ప్రకటనలో తెలిపింది. నిందితుడి గురించిన సమాచారం అందగానే వెంటనే చర్యలు తీసుకున్నామని పేర్కొన్నారు. స్థానికంగా ఉన్న సీసీ కెమెరాల సాయంతో అనుమానితుడిని గుర్తించి అరెస్టు చేసినట్టు డైరెక్టరేట్ తెలిపింది. అతడి వద్ద నుంచి స్వాధీనం చేసుకున్న బంగారం బార్స్ నకిలీవని తదుపరి పరీక్షలలో నిర్ధారణ అయింది. ప్రస్తుతం ఈ కేసులో చట్టపరమైన ప్రక్రియలు పూర్తి చేస్తున్నట్టు మంత్రిత్వశాఖ వెల్లడించింది.