కువైట్ః కువైట్ వ్యాప్తంగా నెలకొన్న అసాధారణ పరిస్థితుల దృష్ట్యా, అన్ని రకాల గడువు ముగిసిన లేదా త్వరలో గడువు ముగిసే ఎంట్రీ విజిట్ వీసాలను ఒక నెల పాటు పొడిగిస్తున్నట్లు కువైట్ అంతర్గత మంత్రిత్వ శాఖ ప్రకటించింది. నివాస వ్యవహారాల విభాగాలను సందర్శించాల్సిన అవసరం లేకుండా ఎలక్ట్రానిక్ వ్యవస్థ ద్వారా పొడిగింపు ఆటోమెటిక్ గా ప్రాసెస్ చేయబడుతుందని మంత్రిత్వ శాఖ ఒక ప్రకటనలో తెలిపింది. వీటికి సంబంధించిన రుసుములు లేదా జరిమానాల నుండి లబ్ధిదారులకు పూర్తిగా మినహాయింపు ఉంటుందని మంత్రిత్వ శాఖ ప్రకటించింది.

ప్రస్తుతం దేశం వెలుపల ఉన్న మరియు అనుమతించబడిన గైర్హాజరీ వ్యవధిని మించిపోయిన  మరియు కువైట్ రాష్ట్రానికి తిరిగి రాలేని నివాసితులకు మూడు నెలల పాటు ఆటోమేటిక్ సెలవు మంజూరు చేయబడుతుందని మంత్రిత్వ శాఖ ప్రకటించింది. ఈ చర్యను ఆటోమేటెడ్ సిస్టమ్ ద్వారా అమలు చేస్తారని తెలిపింది. దేశంలోని పరిణామాలను బట్టి ప్రకటించిన పొడిగింపు నిబంధనలకు లోబడి ఉంటాయని మంత్రిత్వ శాఖ వెల్లడించింది.