మస్కట్: ఒమన్ సుల్తాన్ సతీమణి, గౌరవనీయ మహారాణి సయ్యిదా అహ్ద్ అబ్దుల్లా హమీద్ అల్ బుసైది ప్రతి సంవత్సరం మార్చి 21న జరుపుకునే మాతృ దినోత్సవం సందర్భంగా శుభాకాంక్షలు తెలిపారు. ఈ మేరకు ఒమన్ సుల్తానేట్‌ మరియు ప్రపంచవ్యాప్తంగా ఉన్న తల్లులకు శుభాకాంక్షల సందేశాన్ని విడుదల చేశారు.   

ప్రతి సంవత్సరం మార్చి 21న వచ్చే మాతృ దినోత్సవం సందర్భంగా ఒమన్, ప్రపంచంలోని నలుమూలల ఉన్న ప్రతి తల్లికి మా అత్యంత హృదయపూర్వక ప్రశంసలను మరియు కృతజ్ఞతలను తెలియజేయడం తనకు ఎంతో ఆనందాన్ని కలిగిస్తోందని పేర్కొన్నారు.

మన గొప్ప తల్లులు సహనం, భక్తి, నిస్వార్థం, త్యాగం మరియు అంతులేని దాతృత్వం గురించి మనం స్మరించుకోవడానికి ఈ ఒక్క రోజే సరిపోదని,  ఈ భావాలు మన జీవితంలోని ప్రతి రోజూ మన హృదయాల్లో మరియు మన మాటల్లో సదా నిలిచి ఉండాలని ఆకాంక్షించారు.