ఇండిగో ఎయిర్‌లైన్స్‌కు చెందిన రెండు విమానాలకు తృటిలో ప్రమాదం తప్పింది. గువహటిలోని విమానాశ్రయంలో గువహటి నుంచి చెన్నై వెళ్తున్న 6ఇ-136 విమానం,ముంబయి నుంచి గువహటికి వస్తున్న 6ఇ-813 విమానాలు ఒకదాన్నొకటిస్వల్పంగా ఢీకొన్నాయి. దీంతో ఆరుగురు ప్రయాణికులకు స్వల్ప గాయాలయ్యాయి. ప్రమాదం జరిగిన సమయంలో రెండు విమానాల్లో 300 మంది ప్రయాణికులు ఉన్నారు. అధికారులు వెంటనే రెండు విమానాలను దింపి ప్రయాణికులను సురక్షిత ప్రాంతానికి తరలించి క్షతగాత్రులకు చికిత్స అందించారు.