కువైట్: ఈరోజు తెల్లవారుజామున శత్రు డ్రోన్లు మరియు క్రూయిజ్ క్షిపణులు ముబారక్ అల్-కబీర్ పోర్టు మౌలిక సదుపాయాలను లక్ష్యంగా చేసుకున్నాయని ప్రజా పనుల మంత్రిత్వ శాఖ ప్రకటించింది. పరిస్థితిని అత్యవసర ప్రతిస్పందన టీమ్ అదుపులోకి తీసుకువచ్చాయని మంత్రిత్వ శాఖ ఒక ప్రకటనలో ధృవీకరించింది. ఈ దాడి వల్ల పోర్టు మౌలిక సదుపాయాలకు భౌతిక నష్టం వాటిల్లిందని ప్రాథమిక నివేదికలు సూచించాయి. కానీ ఎలాంటి ప్రాణనష్టం నమోదు కాలేదని తెలిపింది.

షువైఖ్ పోర్టు పై అటాక్

షువైఖ్ పోర్టును శత్రు డ్రోన్లు లక్ష్యంగా చేసుకున్నాయని, దీనివల్ల ఆస్తి నష్టం జరిగిందని, అయితే ఎటువంటి ప్రాణనష్టం జరగలేదని కువైట్ పోర్ట్స్ అథారిటీ ప్రకటించింది. ఈ మేరకు తన X లోని తమ అధికారిక ఖాతాలో ఒక ప్రకటనలో తెలిపింది.ప్రాథమిక అంచనాల ప్రకారం నష్టం మౌలిక సదుపాయాలకే పరిమితమైందని, ఎవరూ గాయపడలేదని అథారిటీ తెలిపింది. సాధ్యమైనంత వరకు సాధారణ పోర్టు కార్యకలాపాలను కొనసాగిస్తామని స్పష్టం చేశారు.