హోర్ముజ్ జలసంధిని అందరికీ అందుబాటులో ఉంచాలని, దానిని దిగ్బంధం చేయడానికి అమెరికా ఆస్ట్రేలియా సహాయాన్ని కోరలేదని ఆస్ట్రేలియా ప్రధాన మంత్రి ఆంథోనీ అల్బనీస్ సోమవారం పిలుపునిచ్చారు. పాకిస్థాన్‌లో అమెరికా-ఇరాన్ కాల్పుల విరమణ చర్చలు ఒప్పందం లేకుండా ముగిసిన తర్వాత, హోర్ముజ్ జలసంధిలోకి ప్రవేశించే లేదా బయటకు వెళ్లే నౌకలపై అమెరికా నౌకాదళం తక్షణమే దిగ్బంధం ప్రారంభిస్తుందని అధ్యక్షుడు డొనాల్డ్ ట్రంప్ అన్నారు.

సోమవారం నైన్ నెట్‌వర్క్ టెలివిజన్‌తో అల్బనీస్ మాట్లాడుతూ, “మాకు ఎలాంటి అభ్యర్థనలు అందలేదు, వారు రాత్రికి రాత్రే ఈ ప్రకటన చేశారు, అదీ ఏకపక్షంగా. ఇందులో పాల్గొనమని మమ్మల్ని అడగలేదు.” “మేము చర్చలు కొనసాగి, తిరిగి ప్రారంభం కావాలని కోరుకుంటున్నాము. ఈ సంఘర్షణకు ముగింపు పలకాలని కోరుకుంటున్నాము. హోర్ముజ్ జలసంధిని అందరికీ అందుబాటులో ఉంచాలని కోరుకుంటున్నాము. అంతర్జాతీయ చట్టం ప్రకారం నౌకాయాన స్వేచ్ఛ ఉండాలని కూడా కోరుకుంటున్నాము,” అని అన్నారు.