కువైట్: కువైట్ లో రాబోయే రెండు రోజులపాటు ఉరుములతో కూడిన భారీ వర్షాలు కురుస్తాయని, మంగళవారం వరకు అస్థిర వాతావరణ పరిస్థితులు కొనసాగుతాయని, ఆ తర్వాత మరో రెండు రోజులపాటు అడపాదడపా వర్షాలు కురిసే అవకాశం ఉందని వాతావరణ శాస్త్రవేత్త ఇస్సా రమదాన్ తెలిపారు.

కువైట్ లో ప్రస్తుతం ఆకాశం మేఘావృతమై ఉంటుందని,ఉరుములతో కూడిన వర్షాలు, అడపాదడపా వర్షాలతో కూడిన అస్థిర వాతావరణం ఉందని తెలిపారు. సోమవారం మధ్యాహ్నం నుండి వర్షం కురిసే అవకాశం పెరుగుతుందని ఆయన పేర్కొన్నారు. రాత్రి మరియు తెల్లవారుజామున గాలుల తీవ్రత పెరిగి, సముద్రంలో అలల ఉధృతి పెరుగుతుందని రమదాన్ తెలిపారు. మంగళవారం అత్యధిక వర్షపాతం నమోదయ్యే అవకాశం ఉందని ఆయన హెచ్చరించారు.  ప్రజలు అప్రమత్తంగా ఉండాలని, అధికారులు సూచనలను ఫాలో కావాలని సూచించారు.