దోహా: హమద్ అంతర్జాతీయ విమానాశ్రయం ద్వారా విదేశీ విమానయాన సంస్థల కార్యకలాపాలను దశలవారీగా పునరుద్ధరిస్తున్నట్లు ఖతార్ పౌర విమానయాన సంస్థ (QCAA) తెలిపింది.  ఈ మేరకు విమాన సిబ్బందికి ఒక నోటీసును జారీ చేసింది. అత్యున్నత స్థాయి సంసిద్ధత మరియు నిర్వహణ సామర్థ్యాన్ని నిర్ధారించేందుకు, సంబంధిత జాతీయ సంస్థలన్నింటితో సమన్వయం చేసుకుంటూ పరిస్థితిని సమగ్రంగా సమీక్షించిన అనంతరమే ఈ నిర్ణయం తీసుకున్నట్లు QCAA పేర్కొంది.
ప్రయాణికులు మరియు విమానయాన సిబ్బంది భద్రత కోసం అవసరమైన అన్ని చర్యలు, జాగ్రత్తలను అమలు చేస్తున్నట్లు తెలిపారు. విమానాల రాకపోకలు మరియు సంబంధిత కార్యకలాపాలన్నీ అత్యున్నత, అంతర్జాతీయంగా గుర్తింపు పొందిన భద్రతా ప్రమాణాలకు అనుగుణంగానే నిర్వహించబడతాయని స్పష్టం చేసింది. అందరి భద్రత మరియు రక్షణే తమకు అత్యంత ప్రాధాన్యత అని పౌర విమానయాన సంస్థ తెలిపింది.