దుబాయ్: పోలీసు అధికారులుగా నటిస్తూ ఇద్దరు అనుమానితులు ఒక కంపెనీ ప్రతినిధిని సుమారు 1.7 మిలియన్ దిర్హమ్‌ల మేర దోచుకున్నారు. ఈ కేసును దుబాయ్ పబ్లిక్ ప్రాసిక్యూషన్ దర్యాప్తు చేస్తోంది.  ఈ నేరానికి సంబంధించి మరో ముగ్గురిని తర్వాత అరెస్టు చేశారు.

అధికారిక వివరాల ప్రకారం, ఈ కేసు అల్ ముటీనాలోని ఒక వాణిజ్య కేంద్రం సమీపంలో ఉన్న అల్ మురక్కబత్ ప్రాంతంలో నమోదైంది. అక్కడ బాధితుడైన ఒక ఈజిప్షియన్ సేల్స్‌ మ్యాన్, తన కంపెనీ తరఫున ఖాతాదారుల నుండి నగదు చెల్లింపులను స్వీకరించాడు.

మొబైల్ ఫోన్ల అమ్మకం ద్వారా వచ్చిన సొమ్మును స్వీకరించిన తర్వాత, ఒక హోల్‌సేల్ ఎలక్ట్రానిక్స్ సంస్థకు చెందిన సుమారు 1.7 మిలియన్ దిర్హమ్‌లను తీసుకుని, ఒక భవనంలోని మూడవ అంతస్తులో ఉన్న కార్యాలయం నుండి బయటకు వచ్చానట్టు ఆ వ్యక్తి దర్యాప్తు అధికారులకు తెలిపాడు. అనంతరం అక్కడినుంచి అతను బయలుదేరుతుండగా, అరబ్ జాతీయుడైన ఒక వ్యక్తి అతనితో పాటు మరోవ్యక్తి ఎలివేటర్‌లోకి ప్రవేశించడాన్ని గమనించాడు. అయితే అప్పటికే మరొక వ్యక్తి లోపల ఉన్నాడు.

ఆ ఇద్దరు వ్యక్తులు తాము క్రిమినల్ ఇన్వెస్టిగేషన్ డిపార్ట్‌మెంట్ (CID) నుండి వచ్చామని చెప్పుకుని, అతని గుర్తింపు పత్రాలను తనిఖీ చేయాలని అడిగారు. కొద్దిసేపటికే, వారు అతనిపై దాడి చేసి, భవనం లాబీలో ఉన్న నగదు బ్యాగ్‌ను తీసుకుని అక్కడి నుండి వెళ్లిపోయారు.

ప్రాథమిక విచారణలో, నిందితులకు బాధితుడి కదలికల గురించి ముందే తెలుసని, పక్కా సమాచారంతో చోరీకి పాల్పడినట్లు అధికారులు తెలిపారు.

చోరీకి పాల్పడిన వారిని గుర్తించడానికి, వెంటనే ఒక ప్రత్యేక టాస్క్ ఫోర్స్‌ను ఏర్పాటు చేశారు. ఈ ఆపరేషన్‌లో, అధికారులు సుమారు Dh728,000 స్వాధీనం చేసుకున్నారు. ఇది దొంగిలించిన సొమ్ములో భాగమని నిందితులు అంగీకరించారు. మిగిలిన డబ్బును వ్యక్తిగత ఆర్థిక బాధ్యతలను తీర్చుకోవడానికి ఖర్చు చేసినట్లు విచారణలో వెల్లడించారు. 

ఇటువంటి నేర కార్యకలాపాల పట్ల తాము అత్యంత అప్రమత్తంగా ఉన్నామని, ప్రజా భద్రతకు ముప్పు కలిగించే లేదా భద్రతను దెబ్బతీసే ఎలాంటి చర్యలను సహించబోమని అధికారులు తెలిపారు. నివాసితులను అప్రమత్తంగా ఉండాలని మరియు తాము చట్టాన్ని అమలు చేసే అధికారులమని చెప్పుకునే వారి గుర్తింపును ధృవీకరించుకోవాలని దుబాయ్ పోలీసులు మరియు పబ్లిక్ ప్రాసిక్యూషన్  కోరారు.

బహిరంగ ప్రదేశాలలో అధికారులు ఈ విధంగా తనిఖీలు నిర్వహించరని వారు పేర్కొన్నారు. ఫేక్ గుర్తింపు నేరాలను అరికట్టడానికి మరియు సమాజాన్ని రక్షించడానికి అధికారులు తమ ప్రయత్నాలను కొనసాగిస్తున్నందున, నివాసితులు అనుమానాస్పద ప్రవర్తనను వెంటనే అధికారిక మార్గాల ద్వారా నివేదించాలని సూచించారు.