ఫుజైరా: ఫుజైరాలోని ఫుజైరా ఆయిల్ ఇండస్ట్రీ జోన్ (FOIZ)లో భారీ అగ్ని ప్రమాదం సంభవించినట్లు సంబంధిత అధికారులు వెల్లడించారు. ఈ ఘటన ఇరాన్ వైపు నుంచి జరిగిన డ్రోన్ దాడి కారణంగా చోటుచేసుకుందని అధికారులు తెలిపారు.

డ్రోన్ దాడి అనంతరం పరిశ్రమ ప్రాంతంలో మంటలు చెలరేగినట్లు నిర్ధారించిన అధికారులు, వెంటనే ఫుజైరా సివిల్ డిఫెన్స్ బృందాలు ఘటనా స్థలానికి చేరుకుని మంటలను అదుపులోకి తెచ్చే చర్యలు ప్రారంభించాయని తెలిపారు. అగ్నిప్రమాదాన్ని నియంత్రించేందుకు రక్షణ బృందాలు నిరంతరంగా శ్రమిస్తున్నాయి.

ఈ ఘటనలో ఇప్పటివరకు ప్రాణనష్టం లేదా ఇతర నష్టాల పై పూర్తి వివరాలు వెలువడలేదని అధికారులు పేర్కొన్నారు. పరిస్థితిని నియంత్రణలోకి తీసుకురావడానికి అత్యవసర చర్యలు కొనసాగుతున్నాయి.

అలాగే, ప్రజలు అపోహలు, వదంతులను నమ్మకుండా కేవలం అధికారిక సమాచారాన్ని మాత్రమే అనుసరించాలని అధికారులు సూచించారు. పరిస్థితిపై నిరంతర పర్యవేక్షణ కొనసాగుతోందని తెలిపారు.