మస్కట్: నార్త్ అల్ బటిన్హా ( North Al Batinah ) గవర్నరేట్‌లోని వినియోగదారుల రక్షణ డైరెక్టరేట్ జనరల్.. రాయల్ ఒమన్ పోలీసుల సహకారంతో చ్యూయింగ్ టోబాకో తయారీ మరియు విక్రయాల కోసం వినియోగిస్తున్న యూనిట్ ను సీజ్ చేసింది.

గవర్నరేట్‌లోని ఒక వ్యవసాయ క్షేత్రంలో ఈ పదార్థాలను తయారు చేస్తూ, విక్రయిస్తున్నట్లు సమాచారం అందడంతో దాడులు నిర్వహించినట్లు అధికారులు తెలిపారు.   

ఈ దాడిలో పొగాకు తయారీకి ఉపయోగించే మూడు యంత్రాలతో పాటు, 800 కిలోలకు పైగా "Al Ghilyoon" వుడ్ తోపాటు 80 కిలోల విక్రయానికి సిద్ధంగా ఉన్న పొగాకు, 20 కిలోల పొడి పొగాకు స్వాధీనం చేసుకున్నారు. వీటితోపాటు తయారీ ప్రక్రియలో ఉపయోగించే ముడి పదార్థాలైన 43 కిలోల అల్ షన్నా (Al Shanna) మరియు 112 కిలోల అల్ నూర్హా (Al Noorah) లను కూడా సీజ్ చేసినట్టు తెలిపారు.   ఇలాంటి ఏవైనా ఉల్లంఘనలు కనిపిస్తే అధికారికారులకు సమాచారం అందించాలని ప్రజలకు అధికారులు విజ్ఞప్తి చేశారు.