కువైట్ః దేశ భద్రతను కాపాడటానికి, పౌరులు మరియు నివాసితుల భద్రతను పరిరక్షించడానికి సాయుధ దళాలు పూర్తిగా సిద్ధంగా ఉన్నాయని కువైట్ రక్షణ మంత్రిత్వ శాఖ అధికార ప్రతినిధి, కల్నల్ సౌద్ అల్-అత్వాన్ తెలిపారు. ఆదివారం తెల్లవారుజామున కువైట్ గగనతలంలోకి ప్రవేశించిన అనేక శత్రు డ్రోన్‌లను కువైట్ సాయుధ దళాలు గుర్తించాయని, సమర్థవంతంగా వాటిని ఎదుర్కొన్నామని ఒక ప్రకటలో తెలియజేశారు. అయితే, డ్రోన్‌ లు ఎక్కడి నుండి వచ్చాయి, వాటిపై తీసుకున్న చర్యలకు సంబంధించి ఆ ప్రకటనలో వివరాలు వెల్లడించలేదు.