కాలిఫోర్నియా: గూగుల్ యొక్క థ్రెట్ ఇంటెలిజెన్స్ గ్రూప్ (GTIG) మొట్టమొదటిసారిగా ఏఐ (AI) ద్వారా రూపొందించబడిన జీరో-డే ఎక్స్‌ప్లాయిట్‌తో కూడిన ఒక భారీ సైబర్‌దాడిని అడ్డుకోవడం ద్వారా డిజిటల్ రక్షణలో ఇటీవల ఒక చారిత్రాత్మక విజయాన్ని సాధించింది. ఈ దాడి, టూ-ఫ్యాక్టర్ అథెంటికేషన్ (2FA)ను దాటవేయడానికి ప్రత్యేకంగా రూపొందించిన ఒక ఏఐ (AI) పైథాన్ స్క్రిప్ట్‌ను ఉపయోగించి, ఒక ప్రముఖ ఓపెన్-సోర్స్ సిస్టమ్ అడ్మినిస్ట్రేషన్ టూల్‌ను లక్ష్యంగా చేసుకుందని పేర్కొంది.

సాంప్రదాయ సాఫ్ట్‌వేర్ బగ్స్ లా కాకుండా ఇది ఒక ఉన్నత-స్థాయి సెమాంటిక్ లాజిక్ లోపం నుండి ఉద్భవించిందని, ఈ రకమైన పొరపాటు తరచుగా సాంప్రదాయ సెక్యూరిటీ స్కానర్‌లకు కనిపించదని తెలిపారు. కానీ లార్జ్ లాంగ్వేజ్ మోడల్స్ (LLMs) ద్వారా సులభంగా గుర్తించవచ్చని తెలిపింది. ఈ లోపాన్ని కనుగొనడానికి మరియు దానిని ఒక ఆయుధంగా మార్చడానికి ఒక ఏఐ (AI) మోడల్‌ను ఉపయోగించారని గూగుల్ పరిశోధకులు వెల్లడించారు.  

కాగా, నష్టం జరగక ముందే ఈ దాడిని అడ్డుకున్నప్పటికీ, ఏఐ ప్రయోగాత్మక దశను దాటి పారిశ్రామిక స్థాయి సైబర్ యుద్ధంలోకి ప్రవేశించిందని ఈ సంఘటన నిర్ధారిస్తుందని నిపుణులు హెచ్చరించారు. ప్రపంచ డిజిటల్ మౌలిక సదుపాయాలను సురక్షితంగా ఉంచడానికి, రక్షణ వ్యవస్థలు ఏఐ-ఆధారిత శత్రువుల వేగం, సామర్థ్యాలకు దీటుగా నిలవాల్సిన ఒక కొత్త శకానికి ఇది తొలిఅడుగుగా భావిస్తున్నారు.