అబుదాబి: యునైటెడ్ అరబ్ ఎమిరేట్స్ (యూఏఈ) అధ్యక్షుడు హిజ్ హైనెస్ షేక్ మహమ్మద్ బిన్ జాయెద్ అల్ నహ్యాన్ మరియు ఒమాన్ సుల్తానేట్ సుల్తాన్ హైథమ్ బిన్ తారిక్ ఈద్ అల్ అధా సందర్భంగా ఫోన్‌లో పరస్పరం శుభాకాంక్షలు తెలుపుకున్నారు.

ఈ సందర్భంగా రెండు దేశాలు, ప్రజలు సుఖసంతోషాలతో అభివృద్ధి చెందాలని, ప్రపంచవ్యాప్తంగా శాంతి, భద్రత, సౌభాగ్యం నెలకొనాలని ఇద్దరు నేతలు ప్రార్థించారు.

అలాగే యూఏఈ, ఒమాన్ దేశాల మధ్య ఉన్న సన్నిహిత సంబంధాలు, ద్వైపాక్షిక సహకారంపై కూడా చర్చించారు. పరస్పర ప్రయోజనాలను దృష్టిలో ఉంచుకుని రెండు దేశాల మధ్య బంధాలను మరింత బలోపేతం చేసేందుకు కట్టుబడి ఉన్నామని నేతలు పేర్కొన్నారు.