మనామాః 77 ఏళ్ల బంగ్లాదేశ్ కార్మికుడు నాల్గవ అంతస్తు పైకప్పు నుండి పడి మరణించిన ఘటనలో సస్పెండ్ అయిన కార్మిక సూపర్‌వైజర్‌కు న్యాయస్థానం ఆరు నెలల జైలు శిక్ష విధించింది. నిర్లక్ష్యం మరియు వృత్తిపరమైన భద్రతా అవసరాలను పాటించడంలో వైఫల్యం కారణంగా కార్మికుడి మరణానికి కారణమైన సూపర్‌వైజర్‌ను ఫస్ట్ హై క్రిమినల్ కోర్ట్ దోషిగా నిర్ధారించింది.

ఒక వెల్డింగ్ మరియు ఫ్యాబ్రికేషన్ కంపెనీలో పనిచేసిన బాధితుడు, పని పూర్తి చేసిన తర్వాత రెస్టారెంట్ పైకప్పు నుండి సామగ్రిని తీసే క్రమంలో అతను బ్యాలెన్స్ కోల్పోయి 20 మీటర్ల ఎత్తు నుండి కింద పడిపోయాడు. తలకు, మెదడుకు బలమైన గాయాలు తగిలి ఆ తర్వాత చికిత్స పొందుతూ చనిపోయాడని అధికారులు తెలిపారు.ఈ సంఘటనను సైట్‌లోని అసురక్షిత పరిస్థితుల కారణంగా జరిగిన  ప్రమాదంగా  లేబర్ మినిస్ట్రీ ఆక్యుపేషనల్ సేఫ్టీ అండ్ ఇన్‌స్పెక్షన్ డిపార్ట్‌మెంట్ నివేదిక వర్గీకరించింది.