దోహా: ఖతార్ లో గడువు ముగిసిన లేదా గడువు ముగియబోతున్న అన్ని రకాల ప్రవేశ వీసాల తాత్కాలిక పొడిగింపు జూన్ 7 తో ముగియనుంది. ఈ మేరకు ఖతార్ అంతర్గత వ్యవహారాల మంత్రిత్వ శాఖ (MoI) ప్రకటించింది. ప్రవేశ వీసాల పొడిగింపుకు సంబంధించి మార్చి 3న జారీ చేసిన మునుపటి ప్రకటనకు కొనసాగింపుగా ఈ ఉత్తర్వులు అమల్లోకి వస్తాయని పేర్కొంది. 

జూన్ 7 తర్వాత ప్రతి వీసా విభాగానికి నిర్దేశించిన చెల్లుబాటు కాలాలు మరియు వర్తించే రుసుములతో సహా అన్ని రకాల ప్రవేశ వీసాల ప్రక్రియలు తిరిగి ప్రారంభమవుతాయని మంత్రిత్వ శాఖ తెలిపింది. నివాసితులు, సందర్శకులు మరియు సంబంధిత వర్గాలందరూ తమ వీసాలను ధృవీకరించుకోవాలని కోరింది.

చట్టబద్ధమైన హోదాను కలిగి ఉండటం, నిర్దేశిత కాలపరిమితిలోగా వీసాలను పునరుద్ధరించుకోవడం, అవసరమైన రుసుములను చెల్లించడం, వీసా గడువు ముగిసిన తర్వాత దేశం విడిచి వెళ్ళిపోవడం వంటివి చేయడం ద్వారా చట్టపరమైన ఉల్లంఘనలను నివారించవచ్చని అంతర్గత వ్యవహారాల మంత్రిత్వ శాఖ సూచించింది.