న్యూ ఢిల్లీ: భారత రక్షణ రంగంలో ఒక కీలక పరిణామం చోటుచేసుకుంది. దేశ నూతన చీఫ్ ఆఫ్ డిఫెన్స్ స్టాఫ్ (CDS)గా జనరల్ రాజా సుబ్రమణి ఆదివారం (మే 31, 2026) అధికారికంగా బాధ్యతలు స్వీకరించారు. ఇప్పటివరకు ఈ పదవిలో ఉన్న మాజీ సీడీఎస్ జనరల్ అనిల్ చౌహాన్ ఆయనకు రక్షణ శాఖ బాధ్యతలను అప్పగించారు. భారత సాయుధ దళాల (ఆర్మీ, నావీ, ఎయిర్‌ఫోర్స్) సమన్వయాన్ని పటిష్టం చేసే అత్యంత కీలకమైన బాధ్యతలు ఇకపై జనరల్ రాజా సుబ్రమణి పర్యవేక్షించనున్నారు.

జనరల్ రాజా సుబ్రమణి నేతృత్వంలో భారత సైన్యం అత్యంత ప్రతిష్టాత్మకమైన ‘మిలిటరీ థియేటరైజేషన్’ (Military Theaterisation) ప్రక్రియను వేగవంతం చేయనుంది.ముఫ్ఫై దళాలను ఒకే గొడుగు కిందికి తెస్తూ ‘ఇంటిగ్రేటెడ్ మిలిటరీ కమాండ్స్’ ఏర్పాటును పూర్తి చేయడమే ఆయన ముందున్న ప్రధాన లక్ష్యం. చైనా, పాకిస్థాన్ సరిహద్దుల నిర్వహణ మరియు వ్యూహాత్మక అంశాల్లో జనరల్ రాజా సుబ్రమణికి అపారమైన అనుభవం, నైపుణ్యం ఉన్నాయి. ఇది దేశ రక్షణ వ్యూహాలకు మరింత బలాన్ని చేకూర్చనుంది.

దేశ సార్వభౌమత్వమే పరమావధి
బాధ్యతలు స్వీకరించిన అనంతరం నూతన సీడీఎస్ జనరల్ రాజా సుబ్రమణి మాట్లాడుతూ.. దేశ భద్రత విషయంలో ఎలాంటి రాజీ పడే ప్రసక్తే లేదని స్పష్టం చేశారు. “భారతదేశ సార్వభౌమత్వాన్ని, జాతీయ ప్రయోజనాలను ముక్కలవ్వకుండా కాపాడటానికి మన సాయుధ సైనిక దళాలన్నీ ఎల్లప్పుడూ కట్టుబడి ఉన్నాయి. ఆధునిక సవాళ్లను ఎదుర్కొనేందుకు వీలుగా రక్షణ రంగాన్ని మరింత బలోపేతం చేస్తాం.” — జనరల్ రాజా సుబ్రమణి, నూతన సీడీఎస్ భారతదేశ మూడవ చీఫ్ ఆఫ్ డిఫెన్స్ స్టాఫ్‌గా బాధ్యతలు చేపట్టిన జనరల్ రాజా సుబ్రమణి హయాంలో సరిహద్దు భద్రత మరింత పటిష్టం కానుందని రక్షణ రంగ విశ్లేషకులు భావిస్తున్నారు.