యూఏఈ: షార్జా లోని ఒక రెసిడెన్సీ టవర్‌లోని మెట్లపై నుంచి పడి మరణించిన రెండేళ్ల బాలుడి మృతి చెందాడు. ఈ దుర్ఘటనపై షార్జా అధికారులు దర్యాప్తు చేస్తున్నారు. యూఏఈ వ్యాప్తంగా ఉన్న నివాసితులు మరియు ప్రాపర్టీ మేనేజర్లు ఎత్తైన భవనాలలో పిల్లల భద్రతా చర్యలను పటిష్టం చేయాలని ఈ సందర్భంగా అధికారులు కోరారు. ఈ ఘటన క్షణాల్లో జరిగిపోయిన ఒక ఘోర విషాదమని కుటుంబ సభ్యులు తెలిపారు.  

మృతి చెందిన బాలుడు పాకిస్తానీ కుటుంబానికి చెందిన వాడిగా గుర్తించారు. చనిపోవడానికి ముందు ఆ బాలుడు అపార్ట్‌మెంట్ బయటకు వెళ్లి, భవనంలోని పై అంతస్తులో ఉన్న మెట్ల ప్రాంతం దగ్గర ఆడుకుంటుండగా ఒక సందులోంచి కింద పడిపోయాడు. అత్యవసర సహాయక బృందాలు సంఘటనా స్థలానికి చేరుకునేలోపే గాయాలతో ఆ బాలుడు మరణించాడు. ఈ ప్రమాదం చాలా తక్కువ సమయంలో జరిగిందని, నివాస స్థలాల్లో చిన్న పిల్లలు ఎంత వేగంగా అసురక్షిత ప్రాంతాలకు వెళ్లి ప్రమాదాలకు గురవుతారో ఈ సంఘటన తెలియజేస్తోందని అధికారులు హెచ్చరించారు. మరోవైపు, బాలల సంరక్షణ అధికారులు మరియు పబ్లిక్ ప్రాసిక్యూషన్ అధికారులు దర్యాప్తు ప్రారంభించారు.